Bakıda 10 milyondan çox pul mənimsəyən şirkət rəhbərinə hökm oxunub. Bu haqda 4 noyabr tarixində Report məlumat verib.
“Güllübulaq” MMC təsisçisi və faktiki rəhbəri olan Füzuli Adıgözəlov şirkətə 1 milyon 885 min manat məbləğində pul ziyan vurub. O, şirkətin adından Türkiyədən sifariş etdiyi mallardan əldə etdiyi gəlirdən Cəmiyyətə ödəniş etməyib, pulları mənimsəyib. Həmçinin dövlət büdcəsinə 2011-2015-ci illər ərzində ümumilikdə 8 milyon 396 min manat vergi ödəməkdən qəsdən yayınıb.
Füzuli Adıgözəlov Cinayət Məcəlləsinin külli miqdarda mənimsəmə və külli miqdarda vergiləri ödəməkdən yayınma maddələri ilə təqsirləndirilərək 10 il müddətinə azadlıqdan məhrum edilib.
