Əməkdar artist Kübra Əliyevanın səhhətində yenidən problem yaranıb. Bakuplus.az xəbər verir ki, bu barədə sənətçi verilişlərin birində məlumat verib.
O, fəqərə sümüyünün sındığını qeyd edib. Bakuplus.az-ın əməkdaşı məsələ ilə bağlı Kübra Əliyeva ilə əlaqə saxlayıb.
O, səhhətində ciddi problem yarandığını söyləyib:
“Beş fəqərə sümüyüm sınıb. On üç il bundan öncə səhhətimdə yaranan problemlə əlaqədar kimyaterapiya seansları almışam. Yaş da öz sözünü deyir. Lakin özümü yaxşı hiss edirəm. Analiz nümunələri vermişəm, cavabını alan kimi müalicəyə başlayacağam”.
Aktrisa sonda onunla maraqlanan hər kəsə təşəkkür edib:
“Mənimlə maraqlanan hər kəsə minnətdaram. Demək ki, 42 illik əmək boşa getməyib. Xalqımız sənətkarına diqqət edir. Hər birinə xoşbəxtlik və cansağlığı arzu edirəm”.
