Kamil Zeynallıya qarşı dələduzluq edən şəxsə hökm oxunub. Bu haqda bu gün, 31 may tarixində Bakuplus.az Qafqazinfo-ya istinadən xəbər verir.
İdmançı Kamil Zeynallı və daha 7 nəfərin külli miqdarda pulunu dələduzluq yolu ilə ələ keçirməkdə ittiham olunan “Oba Construction” tikinti şirkətinin müdiri Emil Ağayevin məhkəməsi yekunlaşıb.
Bakı Ağır Cinayətlər Məhkəməsinin qərarına əsasən, Emil Ağayev 8 il müddətinə azadlıqdan məhrum edilib.
“Bir dənə Kamilə görə mənə 8 il iş verdiniz. Belə ədalət olmaz”, – deyə E.Ağayev hökmə münasibət bildirib.
Bildirilir ki, E.Ağayev zərərçəkmişlərə 300.000 manata yaxın maddi ziyan vurub.
