Nərimanov rayonu, Ə.Əliyev küçəsində yerləşən Keşlə bazarında nöqsanlar aşkarlanıb. Bu haqda bu gün, 13 may tarixində Bakuplus.az Qida Təhlükəsizliyi Agentliyinə istinadən xəbər verir.
“Baku Food Center" MMC-yə məxsus bazarda keçirilən yoxlamalar zamanı sanitar-gigiyenik vəziyyətin qənaətbəxş olmadığı, qida təhlükəsizliyi sahəsində normativ tələblərin pozulduğu aşkar edilib.
Belə ki, bazarda quş kəsimi məntəqəsinin qeydiyyatdan keçmədən fəaliyyət göstərdiyi, üzərində etiket məlumatları olmayan müxtəlif çeşiddə məhsulların satışının həyata keçirildiyi, mal qonşuluğu prinsipinin pozulduğu, işçilərin tibbi müayinədən keçmədikləri və xüsusi geyimlə təmin olunmadıqları, müvafiq təmizlik işlərinin aparılmadığı və digər nöqsanlar aşkarlanıb.
Sözügedən faktlarla bağlı bazar rəhbəri məsuliyyətə cəlb olunub, quş kəsimi məntəqəsinin fəaliyyəti dayandırılıb.
