22 oktyabr tarixində İkinci Şəhidlər xiyabanında Vətən müharibəsi şəhidi anılıb. Bu haqda Report xəbər verib.
Döyüşlərdə şəhid olmuş Şükür Həmidovun il mərasimi keçirilib. Onun məzarı ziyarət olunub. Tədbirdə Müdafiə Nazirliyi və Qubadlı Rayon İcra Hakimiyyətinin rəsmiləri, Həmidovun ailə üzvləri, yaxınları, döyüş yoldaşları və ictimaiyyət nümayəndələri iştirak ediblər.
Vətən müharibəsində şəhidin qəhrəmanlığından, vətənpərvərliyindən danışılıb. Sonda isə xatirə şəkili çəkilib.
Oktyabrın 22-də Qubadlının azadlığı uğrunda gedən döyüşlərdə şəhid olub. Ölümündən sonra "Zəfər" ordeni, "Vətən uğrunda", "Füzulinin azad olunmasına görə", "Cəbrayılın azad olunmasına görə" və "Qubadlının azad olunmasına görə" medalları ilə təltif edilib.
