Ötən ay kliniki tibbi mərkəzə zəhərlənmə ilə bağlı müraciət edənlərin sayı açıqlanıb. Bu haqda bu gün, 3 may tarixində Bakuplus.az tibb müəssisəsinə istinadən xəbər verir.
Belə ki, aprel ayı ərzində zəhərlənmə ilə bağlı mərkəzə 625 nəfər müraciət edib. Onlardan 119-u Toksikologiya şöbəsinə qəbul edilib, digərlərinə isə ilkin tibbi yardım göstərilərək evə buraxılıblar.
Qəbul olunan xəstələrdən 54-ü dərmandan, 37-si sirkə turşusundan, 6-sı etanoldan, 6-sı ilan sancmasından, 2-si göbələkdən, 1-i arı sancmasından, 1-i dəm qazından zəhərlənib. Daha 9-u allergik reaksiya, 2-si botulizm, 1-i isə anaflaksiya səbəbindən xəstəxanaya yerləşdirilib. Ümumilikdə 9 nəfərin həyatını xilas etmək mümkün olmayıb.
