Bakıda iki koronavirus xəstəsi üçəm və dördəm dünyaya gətirib. Bu haqda bu gün, 2 fevral tarixində Bakuplus.az Kliniki Tibbi Mərkəzə istinadən xəbər verir.
COVİD-19 infeksiyası səbəbindən vəziyyəti ağırlaşan 44 yaşlı hamilə qadın mərkəzə gətirilib və onun 30 həftə 6 günlük həmiləliyinin sonlandırılmağına qərar verilib. O, 1200, 1180 və 755 qram çəkiləri olan üçəm dünyaya gətirib. Körpələrdən birinin vəziyyəti ağırdır.
Daha bir nəfər - 31 həftəlik hamiləliyi olan 22 yaşlı qadın eyni səbəbdən xəstəxanaya yerləşdirilib. O, 1340, 1440, 1250 və 1300 qram çəkiləri olan dördəm dünyaya gətirib. Balacalardan ikisinin vəziyyəti ağırdır.
