Azərbaycan Dövlət Kukla Teatrı dost Qazaxıstan Respublikasında keçiriləcək beynəlxalq teatr festivalında iştirak edəcək.
Bakuplus.az xəbər verir ki, "Aktau – Türk Dünyasının Mədəniyyət Paytaxtı" layihəsi çərçivəsində keçiriləcək "NOMAD PUPPET" adlı I Beynəlxalq Kukla Teatrları Festivalı 9-14 sentyabr 2025-ci il tarixlərində Qazaxıstan Respublikasının Manqistau vilayətinin Aktau şəhərində olacaq.
Tədbir Türk Dünyası Mədəniyyət Təşkilatı (TÜRKSOY) və Qazaxıstan Respublikası Mədəniyyət və İnformasiya Nazirliyinin təşkilati dəstəyi ilə baş tutacaq.
Yaradıcı heyət üzvləri qazax teatrsevərlər və münsiflər heyəti qarşısında tarixi irsimiz, soy kökümüzlə bağlı hazırlanan "Yalquzaq" tamaşasını nümayiş etdirəcəklər.
Həmçinin, iştirakçılar "Ən yaxşı rejissor işi", "Ən yaxşı aktyor ansamblı", "Ən yaxşı aktyor", " Ən yaxşı aktrisa" və "Ən yaxşı kuklaçı" nominasiyalarında mükafatlandırılacaqlar.
