Qaradağ rayonu ərazisi, Qaz Emalı Zavodunun yaxınlığında su kəmərində baş vermiş qəza nəticəsində nəqliyyat vasitələrinin məhdudlaşan hərəkəti tam bərpa edilib. Bu haqda bu gün, 15 oktyabr tarixində Fövqəladə Hallar Nazirliyi (FHN) məlumat yayıb.
Kür-Bakı magistral su kəmərində gecə saatlarında qəza baş verib. Nəticədə Bakı-Qazax magistralında hər iki istiqamətdə tıxaclar yaranıb.
Foto Fhn Azərbaycan Avtomobil Yolları Dövlət Agentliyinin (AAYDA) rəsmisi Anar Nəcəfli bildirib ki, su basmış ərazidə ikitərəfli hərəkəti təmin etmək üçün artıq müvafiq qabaqlayıcı tədbirlər görülüb: “Su basmış əraziyə nəqliyyat vasitələrinin keçməməsi üçün su qəzası yerinə çatmamış dəmir arakəsmələr sökülüb. Beləliklə, ikitərəfli hərəkətin təmin olunması üçün nəqliyyat vasitələrinin istiqaməti digər hissəyə yönəldilib. Yoldan su çəkilənədək əks-istiqamət üzrə ikitərəfli hərəkət təmin olunub”.
Hazırda qəza ərazisində müvafiq işlər aparılır.
[caption id="attachment_74880" align="alignnone" width="640"]
Foto FHN-in rəsmi saytı[/caption]
