Laçın rayonunun Zabux kəndinə 92 nəfərdən ibarət 25 ailə yola salınıb. Bu haqda bu gün, 15 dekabr tarixində Bakuplus.az Report-a istinadən xəbər verir.
Bakıda və Abşeronda yaşayan 13 ailə Qaradağ rayonundakı “Qobu park 3” yaşayış kompleksində toplaşaraq yola düşüb.
Həmin köç karvanına Bərdədən 6 ailə (20 nəfər), Sumqayıtdan 3 ailə (10 nəfər), Lənkərandan 1 ailə (4 nəfər), eləcə də Mingəçevirdən 1 ailə (4 nəfər) və Ağcabədidən 1 ailə (2 nəfər) qoşulub.
Köçürülən ailələr Zabux kəndində yenidən tikilən evlərdə məskunlaşacaqlar.
Bununla birlikdə Laçın rayonunun Zabux kəndinə ümumilkdə 146 ailə (567 nəfər) köçürülüb.
