Azərbaycan Respublikasının Prezidenti "Azərbaycan Respublikası Hökuməti ilə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının, Kioto Protokolunun və Paris Sazişinin Katibliyi arasında Razılaşma"nın təsdiq edilməsi haqqında Fərman imzalayıb. Bu haqda bu gün, 13 iyul tarixində Bakuplus.az Prezident.az saytına istinadən məlumat verir.
Fərmana əsasən, iyunun 7-də məktublar mübadiləsi formasında imzalanmış Razılaşma təsdiq edilib.
Sənəddə Azərbaycan Xarici İşlər Nazirliyinə Razılaşmanın qüvvəyə minməsi üçün zəruri olan dövlətdaxili prosedurların yerinə yetirildiyi barədə Birləşmiş Millətlər Təşkilatının İqlim Dəyişmələri üzrə Çərçivə Konvensiyasının, Kioto Protokolunun və Paris Sazişinin Katibliyinə bildiriş göndərməsi tapşırılıb.
Razılaşma qüvvəyə mindikdən sonra COP29-un, Kioto Protokolunun Tərəflər Görüşünün 19-cu sessiyasının və Paris Sazişinin Tərəflər Görüşünün 6-cı sessiyasının müəyyən edilmiş Prezidenti onun müddəalarının həyata keçirilməsini təmin edəcək.
