Prezident İlham Əliyev:
- Biz göstərdik ki, güclü iradə, peşəkarlıq, vətənpərvərlik olarsa, heç bir qüvvə o xalqın qabağında dura bilməz.
- Antiterror əməliyyatı nəticəsində separatçıların kökü kəsildi.
- Qarabağ Universitetinin yaradılması tarixi hadisədir.
11:30
Prezident İlham Əliyev Qarabağ Universitetinin tələbələri ilə görüşdə hərbçilərimizin qəhrəmanlığından danışıb.
“44 gün ərzində bu çətin coğrafiyada düşmənin 5-6, bəzi yerlərdə 7 müdafiə xəttini yararaq hər gün irəliyə getmək, itkilər verərək aşağıdan yuxarıya qalxmaq, Şuşa kimi alınmaz qalanı sıldırım qayalara dırmaşaraq ancaq yüngül silahlarla azad etmək, - müasir tarixdə hansı ordu buna bənzər qəhrəmanlıq, peşəkarlıq göstərmişdir?! Bu, həqiqətdir”, - deyə Prezident qeyd edib.
09:38 - Prezident İlham Əliyev Qarabağ Universitetinin açılışını edib
Azərbaycan Respublikasının Prezidenti İlham Əliyev sentyabrın 20-də Xankəndi şəhərində Qarabağ Universitetinin təmirdən sonra açılışında iştirak edib.
Bakuplus.az xəbər verir ki, bu dəqiqələrdə dövlət başçısı Qarabağ Universitetinin müəllim və tələbə heyəti ilə görüşür.
09:25
Azərbaycan prezidenti İlham Əliyev Xankəndiyə səfərə gedib.
Bakuplus.az Prezidentin Mətbuat xidmətinə istinadən xəbər verir ki, Azərbaycan Respublikasının Prezidenti İlham Əliyev sentyabrın 20-də Xankəndi şəhərində Qarabağ Universitetinin tələbə yataqxanasının təmirdən sonra açılışında iştirak edib.
