Azərbaycanda elektron resept təşkil olunacaq. Artıq layihənin pilot şəklində bir neçə xəstəxanada və ambulator tipli məntəqələrdə tətbiqinə başlanılıb. Bunu səhiyyə naziri Teymur Musayev jurnalistlərə açıqlamasında deyib.
Nazirin sözlərinə görə, gələn ilin yanvar ayından elektron resept bütün ölkə ərazisində təşkil olunacaq.
“Bununla bağlı bu ilin dekabr ayında geniş tədbir keçiriləcək. Yeni üsulun istər tibb işçiləri, istər vətəndaş, istərsə də əczaçılar üçün faydası izah olunacaq”, - Musayev bildirib.
Görüşdə, həmçinin qeyd edilib ki, növbəti günlərdə mövsümi qriplərlə bağlı vaksinlər Azərbaycanda olacaq. Peyvəndlər 2 yaşdan yuxarı uşaq və böyüklər üçün nəzərdə tutulur.
