Ölkədə saxta cərimə saytı yaradılıb. Bu haqda bu gün, 6 noyabr tarixində Bakuplus.az Daxili İşlər Nazirliyinə istinadən xəbər verir.
Belə ki, son günlər “cəriməni buradan ödəyərək endirim əldə et” kampaniyası vədi verən “asancerime.com” internet saytı peyda olub. Araşdırma zamanı məlum olub ki, sayt ABŞ-də yaradılıb və ölkəmizlə heç bir əlaqəsi yoxdur.
Bundan əlavə, sürücülərə cərimələrin ödənməsi ilə bağlı müxtəlif endirim kampaniyaları qismində elanlar təqdim olunur.
Qurumdan bildirilib ki, sosial şəbəkələrdə yerləşdirilən bu elanlar saxtadır və məqsəd vətəndaşların şəxsi və bank kartları məlumatlarını ələ keçirməkdir.
