“Location” gecə klubundakı partlayışdan 1 il keçir. Bu haqda bu gün, 3 aprel tarixində Bakuplus.az xəbər verir.
Bakının mərkəzində baş vermiş bədbəxt hadisədə yaralananlardan biri bu haqda paylaşım edib. Baku.ws-in verdiyi məlumata əsasən, Bloger Merlin Təranə kimi tanınan Təranə Rzayeva öz profilində “1 yaşım mübarək” yazısı ilə paylaşım edib.
“Tanrıya çox şükür bu gün üçün, varlığım üçün, yenidən doğulduğum üçün. 1 yaşım mübarək. Əllərimi, ayaqlarımı əvvəlki vəziyyətə qaytaran həkimimə təşəkkür edirəm. Sağ qalan hər kəsi təbrik edirəm. Biz çox xoşbəxtik. Rəhmətə gedənlərə Allahdan rəhmət və bağışlanmaqlarını diləyirəm", - deyə o qeyd edib.
3 aprel 2022-ci ildə paytaxtın mərkəzində yerləşən “Location” gecə klubunda güclü partlayış baş vermişdir. Nəticədə 4 nəfər dünyasını dəyişmiş, 34 nəfər xəsarət almış, 14 avtomobil, 1 mənzil və 2 qeyri-yaşayış obyektinə ziyan dəymişdir.
[video width="432" height="720" mp4="https://bakuplus.az/storage/photos/2023/04/720p.mp4"][/video]
