“Virgin Atlantic” aviaşirkətinin London-İslamabad reysini yerinə yetirən təyyarə Heydər Əliyev Beynəlxalq Aeroportuna təcili eniş edib. Bu haqda bu gün, 3 mart tarixində aeroportun mətbuat xidməti məlumat verib.
Hava gəmisinin kapitanı sərnişinin səhhətinin qəflətən pisləşməsi ilə əlaqədar təcili eniş sorğusu göndərib. Saat 07:37-də "Boeing 787-9" təyyarəsi Bakı Hava Limanında uğurla enib.
Son 12 saat ərzində bu, Bakı Hava Limanına təcili eniş edən ikinci təyyarədir. 2 mart axşam saatlarında Banqkok-Amsterdam marşrutu üzrə hərəkət edən “EVA Air” aviaşirkətinə məxsus olan "Boeing 787” analoji səbəbdən Bakıda məcburi eniş edib.
