Mədəniyyət Nazirliyinə yeni təyinat olub. Bu haqda bu gün, 30 may tarixində Bakuplus.az Report-a istinadən xəbər verir.
44 yaşlı Mustafa Abbasbəyli Mədəniyyət Nazirliyinin Aparatına yeni rəhbər təyin olunub. Bununla bağlı mədəniyyət naziri Adil Kərimli müvafiq əmr imzalayıb.
M.Abbasbəyli Xəzər Universitetinin Hüquq və sosial elmlər fakültəsində Beynəlxalq hüquq, Türkiyənin Ege Universitetinin (İzmir) Türk dili və ədəbiyyatı fakültəsində isə Türk dili ixtisasına yiyələnib. O, Ankara Universitetinin Hüquq fakültəsində Xüsusi hüquq ixtisası üzrə magistratura pilləsində oxuyub.
M.Abbasbəyli 2019-2020-ci illərdə əmək və əhalinin sosial müdafiəsi nazirinin müşaviri vəzifəsində çalışıb. 2020-ci ildən son təyinatadək Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyi idarə heyətinin sədri vəzifəsində çalışıb.
