Müdafiə Nazirliyində mənimsəmə ilə bağlı daha 2 nəfər həbs edilib. Bu haqda bu gün, 3 iyun tarixində Bakuplus.az APA-ya istinadən xəbər verir.
Müdafiə Nazirliyində 143 milyonluq mənimsəmə faktı ilə bağlı müxtəlif hərbi hissələrdə çalışmış daha 2 maliyyə xidməti rəisi həbs edilib.
Cinayət işi çərçivəsində müxtəlif hərbi hissələrdə maliyyə xidməti rəisi vəzifəsində çalışmış Cəbrayıl Orucov və Vahid Novruzlu təqsirləndirilən şəxslər qismində cəlb ediliblər.
Bakı Hərbi Məhkəməsi tərəfindən hər 2 şəxs barəsində 4 aylıq həbs qətimkan tədbiri seçilib.
