Bloger Aysel Şükürova keçmiş həyat yoldaşı Elşən Əsgərlinin onu bıçaqla vurmaq istədiyini bildirib. Bu haqda o, öz İnstagram səhifəsində ötən gün, 4 avqust tarixində paylaşım edib.
Şükürovanın sözlərinə görə, mübahisə zamanı dostlarından biri bıçaq xəsarətləri alıb.
"Dünən yanımda olan bütün dostlarıma təşəkkür edirəm. Elşən Əsgərli məni bıçaqlamaq istəyirdi. Dostlarım araya girdilər. Bıçaq dostlarımdan birinin əlinə və ayağına girdi. Mən ondan sübut istədim. Heç nəyi sübut edə bilmədi. Oğlumun, anamın yanında evimin qabağında ağzına gələni danışdı. Daha sonra məni sakit danışmaq adı ilə görüşə çağırdı. Getdim. Elə danışan yerdə mənə bıçaq çəkdi. Bunların hamısını videoya çəkmişəm. Məni bıçaqlamaq istəyəndə bıçaq dostumun əlinə, ayağına girdi. Sonra polislər gəldilər. Polislərimizə təşəkkür edirəm", - Şükür hekayələr bölməsində yazıb.
Bloger keçmiş həyat yoldaşının aliment ödəmədiyini də bildirib. Hadisədən sonra ağır psixoloji travma aldığı üçün o, xəstəxanaya yerləşdirildiyini deyib.
