Əməkdar artist, 48 yaşlı Yuri Omelçenko vəfat edib. Bu haqda bu gün, 20 aprel tarixində Bakuplus.az Azərbaycan Dövlət Akademik Rus Dram Teatrına istinadən xəbər verir.
“Bu, hamımız üçün böyük itkidir! Onun yaradıcılığı, xeyirxahlığı onu tanıyanların və qiymətləndirənlərin hamısının qəlbində yaşayacaq. Qəbri nurla dolsun!” – deyə teatrdan bildirilib.
Yuri Omelçenko Bakıda anadan olub. O, Azərbaycan Dövlət Mədəniyyət və İncəsənət Universitetini bitirib. Bakı Bələdiyyə Teatrında və Azərbaycan Dövlət Gənc Tamaşaçılar Teatrında çalışıb.
O, teatr səhnəsində “Torqovayada göruşərik”, “Qurdlar və qoyunlar”, “Alim-botanik Müsyö Jordan və məşhur sehrbaz dərviş Məstəlişahın nağılı”, “Yeddi gözəl”, “Gözəllər”, “Qürur və qərəz”, “Maskarad”, “Şəhrizadın daha bir gecəsi”, “Karamazov qardaşları”, “Və bir qadın gəldi...”, “Əli və Nino”, “Evlilik”, “Sənətkarın taleyi”, “Korol Benya və başqaları”, “Albalı bağı” və s. kimi tamaşalarda rol alıb.
