Azərbaycan Respublikasının Əməkdar Rəssamı, SSRİ Rəssamlar İttifaqının üzvü Məmməd Mustafayev vəfat edib. Bu haqda bu gün, 17 aprel tarixində Azərbaycan Dövlət Rəsm Qalereyası (ADRQ) məlumat verib.
Məmməd Əlihüseyn oğlu Mustafayev 2 fevral 1948-ci ildə Bakı şəhərində anadan olmuşdur. O, 1968-ci ildə Əzim Əzimzadə adına Azərbaycan Rəssamlıq Məktəbini bitirmişdir. 1969-1974-cü illərdə Azərbaycan Dövlət Politexnik İnstitutunun Memarlıq fakültəsində, 1974-1980-ci illərdə Kiyev İncəsənət İnstitutunda təhsil almışdır.
Məmməd Mustafayevin "Adsız" adlı fərdi rəsm sərgisi Müasir İncəsənət Muzeyində (2017) keçirilmişdir.
Məmməd Mustafayev 2001-ci ildə Azərbaycanın Əməkdar rəssamı fəxri adına layiq görülmüşdür.
Rəssamın əsərləri Moskva, Gürcüstan, Almaniya, Bolqarıstan, Türkiyə və Azərbaycanda nümayiş etdirilmişdir.
