Təkrar sertifikatlaşdırma prosesinin müsahibə mərhələsindən keçən müəllimlərin maaşı artırılacaq.
Bakuplus.az Təhsil İnstitutuna istinadən xəbər verir ki, təkrar sertifikatlaşdırmanın müsahibələrində 3393 müəllim uğur qazanaraq sertifikatlaşdırmadan keçmiş hesab olunub.
Sertifikatlaşdırmadan keçmiş 3252 təhsilverənin vəzifə maaşına 35 faiz, 24 təhsilverənin vəzifə maaşına isə 10 faiz artım tətbiq olunacaq.
Təhsilverənlərin təkrar sertifikatlaşdırılması prosesinin müsahibə mərhələsinin apellyasiya müraciətləri 25 sentyabr saat 12:00-dan etibarən qəbul olunacaq. Müəllimlər şəxsi kabinetlərinə daxil olaraq 24 saat ərzində apellyasiya müraciəti edə bilərlər.
