Binəqədi rayon icra başçısı M.Ə.Rəsulzadə qəsəbəsinin sakinləri ilə görüşüb. Bu haqda bu gün, 21 oktyabr tarixində Bakuplus.az rayon İcra Hakimiyyətinə istinadən xəbər verir.
Tədbirdə YAP Binəqədi rayon təşkilatının sədri, Rayon İcra Hakimiyyəti başçısının müavinləri, Aparatın məsul şəxsləri, bələdiyyə, qəsəbə inzibati ərazi dairəsi üzrə nümayəndəliyin, xidmət sahələrinin rəhbərləri iştirak ediblər.
Görüşdə içməli su xəttinin çəkilməsi, sıradan çıxmış asfalt örtüyünün bərpası, üstü açıq kanalizasiyaların təmizlənməsi, F.Köçərli adına kitabxananın təmiri və Ə.Əlixanov küçəsində yerləşən parkın abadlaşdırılması kimi mövzular müzakirə edilib.
Sonda bir sıra məsələlərin həlli ilə bağlı yerində müvafiq tapşırıqlar verilib.
