Apellyasiya şikayətinə Bakı Apellyasiya Məhkəməsində hakim İlqar Murquzovun sədrliyi ilə keçirilən məhkəmə iclasında baxılıb. İclasda şikayət təmin olunmayıb və 1-ci instansiya məhkəməsinin qərarı dəyişilməz saxlanılıb.
10:40 - “Müsavat” partiyası başqanının oğlu barəsində qərardan apellyasiya şikayəti verilib
“Müsavat” partiyası başqanı Arif Hacılının oğlu Orxan Hacılı barəsində məhkəmənin qərarından apellyasiya şikayəti verilib. Bu haqda bu gün, 7 noyabr tarixində Bakuplus.az Report-a istinadən məlumat verir.
İşə bu gün Bakı Apellyasiya Məhkəməsində hakim İlqar Murquzovun sədrliyi ilə baxılacaq.
Noyabrın 2-də yol hərəkəti və nəqliyyat vasitələrinin istismarı qaydalarını pozaraq yol-nəqliyyat hadisəsi törətmək və hadisə yerindən qaçmaqda təqsirləndirilən Orxan Hacılı barəsində 2 aylıq həbs-qətimkan tədbiri seçilib.
Hacılı Cinayət Məcəlləsinin “Yol hərəkəti və nəqliyyat vasitələrinin istismarı qaydalarını pozma” və “Yol nəqliyyat hadisəsi yerindən qaçma” maddələri ilə ittiham olunub.
