Bakıda ayaqlarını avtomobildən çölə çıxaran şəxs barəsində tədbir görüləcək. Bu haqda bu gün, 13 iyun tarixində Bakuplus.az Avtosfer.az-a istinadən xəbər verir.
Hadisə Buzovna yolunda qeydə alınıb. Hərəkətdə olan 77-BA-753 dövlət nömrə nişanlı “Toyota Prius” markalı avtomobildəki sərnişin ayaqlarını maşının pəncərəsindən çölə çıxarıb. Bununla da ön oturacaqda əyləşən xanım sərnişin digər hərəkət iştirakçılarının diqqətini cəlb edib.
Bakı şəhər Dövlət Yol Polisi İdarəsinin polis baş leytenantı Rüstəm Əhmədli bildirib ki, faktla bağlı araşdırma aparılır və qanunamüvafiq tədbir görüləcək.
