London-Kuala Lumpur marşrutu ilə uçan təyyarə Bakının Heydər Əliyev Beynəlxalq Aeroportunda təcili eniş edib. Bu haqda bu gün, 20 iyul tarixində Bakuplus.az Report-a istinadən xəbər verir.
“Malaysia Airlines” şirkətinə məxsus təyyarənin kapitanı sərnişinlərdən birinin səhhətinin qəflətən pisləşməsi (ürək tutması) ilə əlaqədar Heydər Əliyev Beynəlxalq Hava Limanına təcili eniş sorğusu göndərib. “Airbus A350” təyyarəsi yerli vaxtla saat 06:42-də Bakı hava limanında eniş edib.
Sərnişin təcili tibbi yardım briqadasına təhvil verilib.
