Masazır qəsəbəsinin Şahmar Ələkbərov küçəsində yaşayan sakinlər tullantıların daşınmamasından şikayətçidirlər.
Bakuplus.az BakuTv-ya istinadən xəbər verir ki, sakinlər ərazidəki zibillər həftələrlə daşınmadığını bildirirlər.
Sakinlər deyirlər ki, üfunətdən evdə oturmaq mümkün deyil.
"10 ildən çoxdur burada yaşayırıq. Hər ay sakinlərdən lazımi qədər vəsait yığırlar. Amma zibilin normal qaydada daşındığını görməmişik", - deyə sakin narazılıq bildirib.
Problem təkcə bununla yekunlaşmır. Üç minə yaxın sakinin yaşadığı küçəyə 10 ildən çoxdur ki, asfalt örtüyü salınmır.
Sakinlərin sözlərinə görə, aidiyyəti qurumlara dəfələrlə müraciət etsələr də, problem həllini tapmır.
