Sabunçu rayonu Maştağa qəsəbəsi Savalan massivində, 28 saylı məktəbin yanındakı zibilxananın ətrafında küçə itləri insanların həyatı üçün böyük təhlükə yaradır.
Bakuplus.az xəbər verir ki, bu barədə qəsəbə sakinləri məlumat veriblər.
Sakinlər itlərin insanlara hücum etdiyini, onları dişlədiyini bildirirlər. Onların sözlərinə görə, dünən bir nəfəri it dişləyib, bundan öncə isə bir qadın və qıza hücum ediblər.
Şikayətçilər məktəbli övladlarının taleyindən narahatdırlar. Onların sözlərinə görə, bu ərazidə insanlara hücum edən itlərin sayı 15-dən çoxdur.
Kamran Rza
