Bakıdan Şuşa, Ağdam və Füzuliyə yeni avtobus reyslərinə biletlər satışa çıxarılır. Bu haqda bu gün, 26 aprel tarixində Bakuplus.az xəbər verir.
May ayına olan biletləri bu gün, saat 15:00-dan etibarən www.yolumuzqarabaga.az saytından almaq mümkün olacaq.
Vətəndaşlar bilet almaq üçün şəxsiyyətini təsdiq edən sənədin məlumatlarını sistemə daxil etməlidirlər. Bilet alındıqdan sonra onu başqa şəxs istifadə edə bilməz.
Səfər zamanı təhlükəsizliyin təmin edilməsi məqsədilə sərnişinləri polis əməkdaşları müşayiət edirlər. Şuşa, Ağdam və Füzuli şəhərlərində sərnişinlər tarixi, mədəniyyət və dini abidələri ziyarət edirlər.
İşğaldan azad edilmiş ərazilərə ilk müntəzəm avtobus marşrutları 2022-ci il yanvarın 24-də açılıb.
