"Həyətimdə bir muzey yaratmışam. Bura mis qablar, qazanlar, samovar və digər əşyalar aiddir. Mən gözümü açıb uşaqlıqdan evimizdə bu qabları görmüşəm. O qablarda yemək yemişik, yemək hazırlanıb. Hər birində doğmalarımın əl izləri var. Tarixiliyi, qədimiliyi sevən insanam. Ona görə də qərara gəldim ki, bu qabları muzey adı altında toplayım. Bəzilərini özüm görüb istəmişəm, bəzilərini mənə hədiyyə veriblər, bir çoxu da elə ata-anamdan, baba-nənəmdən yadigar qalıb".
Bunu açıqlamasında Xalq artisti Vamiq Məmmədəliyev deyib.
O daha sonra əlavə edib:
"Burada elə qablar var ki, yaşı 200-dən çoxdur. Onların qiymətinə gəlincə.. Söhbət bahalıqdan getmir, hamısı mənim üçün əzizdir. Hamısı antik əşyalardır. Əlbəttə ki, hər biri mənim üçün bahadır. 5 manatlıq da olsa mənim üçün qiymətlidir. Bəzən gəlib mənə deyirlər ki, "bu dəmir-dümür nədir yığmısan bura?". Baxıram onların sifətinə və deyirəm ki, "bu siz bilən şey deyil". Hər insanın başı çıxmaz ki, onun dəyərini bilsin" deyə sənətkar bildirib.
Xalq artisti bu muzeyi övladlarına vəsiyyət etdiyini də bildirib:
"Bəzən övladlarıma deyirəm ki, mən olmayandan sonra bu muzeyə baxa bilməsəniz onu satarsınız və aranızda bölüşərsiniz. Onlar da deyirlər ki, biz belə şey etməyəcəyik. Sözümü demişəm də onlara" deyə o bildirib.
mənbə: moderator.аz
