Metroda elektron siqaret çəkməklə bağlı insanlar arasında fikir ayrılığı yaranıb. Məsələyə “Bakı Metropoliteni”nin mətbuat xidməti və ictimaiyyətlə əlaqələr şöbəsinin rəisi Bəxtiyar Məmmədov aydınlıq gətirib.
O bildirib ki, metropolitendə istər elektron, istərsə də ənənəvi siqaretin çəkilməsi qadağandır.
“Ümumiyyətlə, metroda siqaretin bütün formalarda çəkilməsi, tütün məmulatlarından istifadə olunması qadağandır. Sərnişinlərdən ricamız budur ki, bu qadağanın əsaslı səbəbinin olmasını nəzərə alaraq, qaydalara əməl etsinlər”, - deyə o qeyd edib.
