Sosial şəbəkələrdə Bakı metrosunda qatarların qapısının gec açılması ilə bağlı görüntülər yayılıb. Bu haqda bu gün, 18 iyul tarixində Bakuplus.az Lent.az-a istinadən məlumat verir.
Qurumun mətbuat xidmətinin rəhbəri Bəxtiyar Məmmədov məsələ ilə bağlı bildirib ki, qatarlardan birinin vaqonunun qapılarında sinxronluq pozulub. O, həmçinin qeyd edib ki, nasazlıq sərnişin müdaxiləsi nəticəsində baş verib.
“Bakı Metropoliteni” QSC-nin qaydalarına uyğun olaraq, dərhal xəttə ehtiyat qatar verilib. İnterval göstəriciləri pozulmadan, qatarların hərəkət qrafikinə hər hansı bir müdaxilə olmadan həmin qatar təkrar yoxlanmaq üçün depoya verilib. Qısa müddətdən sonra qatarda problem olmadığı müəyyən edilib və yenidən xəttə buraxılıb”, - deyə metropolitenin sözçüsü əlavə edib.
