Metronun “Cəfər Cabbarlı” stansiyasında təmir işləri davam edir. Bu haqda bu gün, 16 avqust tarixində Bakuplus.az Report-a istinadən xəbər verir.
Aparılan təmir-bərpa işləri çərçivəsində stansiyanın tavanında axıntılar ləğv edilib, tübinq örtüyü təmizlənərək, korroziya əleyhinə boya ilə rənglənib. qrunt sularının istiqamətləndirilməsi üçün paylama zalı və yol tuneli divarlarında novçalar quraşdırılıb.
Həmçinin sərnişin platforması sökülüb, yeni monolit dəmir-beton platforma tikilib. Daha sonra növbətçi otağı yenilənəcək, tunel birləşmələrində (diafraqma) bərkidilmə işləri aparılacaq.
“Xətai" stansiyası istiqamətində bu günə kimi 636 m yol sökülüb, stansiya girişinə qədər olan yol hissəsində sərt özüllü dəmir-beton konstruksiya qurulub.
Plana uyğun olaraq, daha sonra işlər "28 May" stansiyasına keçid, vestibül və digər texniki və xidməti sahələrdə aparılacaq.
[caption id="attachment_109610" align="alignnone" width="640"]
Foto Report.az[/caption]
