Metropolitenin “Həzi Aslanov” stansiyasının təmiri ilə əlaqədar cədvəldə dəyişiklik olur. Bu haqda bu gün, 6 noyabr tarixində Bakuplus.az quruma istinadən xəbər verir.
Belə ki, yenidənqurma işləri ilə əlaqədar bu stansiyaya gedən qatarlar “Əhmədli” və “Neftçilər” stansiyalarından geri qayıdacaq.
“Həmin stansiyadan sərnişinlərin davamlı daşınması təmin olunacaq. “Həzi Aslanov – Əhmədli”, “Həzi Aslanov – Neftçilər” arasında isə əlavə hərəkət təşkil ediləcək. Buna baxmayaraq, digər stansiyalarda hərəkət olduğu kimi qalacaq”, - deyə qurumdan bildirilib.
Bakı Metropoliteni” QSC-nin sədr müavini Hidayət Məmmədovun sözlərinə görə, 1-ci mərhələdə dalan istiqamətində işlər aparılacaq. 2-ci mərhələdə isə stansiyanın əsaslı təmiri həyata keçiriləcək. Bu mərhələdə sərnişindaşıma ilə bağlı əlavə planlar ictimaiyyətə açıqlanacaq. Ümumi işlərin 2 il ərzində yekunlaşması planlaşdırılır.
