Bakı metrosunda bəzi vaqonlarda indiyə kimi kondisioner və havalandırma sistemləri quraşdırılmayıb. Bu, sərnişinlərin narazılığına səbəb olub. Bu haqda bu gün, 6 iyul tarixində Bakuplus.az Xəzər Xəbər-ə istinadən məlumat verir.
Sərnişinlər onu da qeyd edirlər ki, yeni qatarlar isti havalarda xəttə az buraxılır, bu da sıxlıq olan zaman hava çatışmazlığına, hətta sağlamlıq problemlərinə səbəb olur.
Bakı Metropoliteninin rəsmisi Bəxtiyar Məmmədov bildirib ki, yeni qatarlar texniki baxışa getdiyi zaman məcburi olaraq xəttə kondisionersiz və havalandırma sistemi olmayan köhnə qatarlar buraxılır. Texniki baxışdan sonra yeni nəsil qatarlar xəttə qaytarılır.
Məmmədov onu da qeyd edib ki, texniki cəhətdən köhnə qatarlara kondisioner sisteminin quraşdırılması mümkün deyil. Bunun üçün tələb oluna biləcək xərclər təxminən yeni vaqonun alınmasına bərabərdir.
Ətraflı süjetdə:
