Bakı metrosunda sərnişin sıxlığı müşahidə edilir. Bu haqda bu gün, 24 fevral tarixində səhər saatlarında Oxu.az məlumat yayıb.
Məlumata əsasən, metronun “20 Yanvar”, “İnşaatçılar”, “Elmlər Akademiyası” və “28 May” stansiyalarında sərnişinlər qatara minə bilmirlər. Qatarlar arası interval 4-5 dəqiqədir.
“Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirib ki, metronun fəaliyyətində heç bir problem yoxdur. “Dərnəgül” - “28 May” xəttində sərnişin sıxlığı müşahidə olunur. “İçərişəhər” stansiyasından (“Qırmızı” xətt) gələn qatarların da “28 May” stansiyasından “Həzi Aslanov” stansiyasına kimi eyni tunellə hərəkət etdiyi üçün, “Yaşıl” xətdə qatarlararası intervalı azaltmaq mümkün deyil.
