Bu gün, 19 iyul tarixində “Microsoft”un “Windows 10” sistemində yaşanan problem səbəbindən dünyanın bir çox ölkələrinin hava limanı və banklarında problem yaşanıb. United Airlines, Delta Airlines, THY, American Airlines kimi şirkətlərin reysləri təxirə salınıb, Avstraliya və İspaniya hökumətləri fövqəladə vəziyyət elan edib. Bu haqda Bakuplus.az məlumat verir.
Heydər Əliyev Beynəlxalq Aeroportundan verilən məlumata görə, hadisə hava limanının fəaliyyətinə təsir göstərməyib.
“Bakı aeroportunun əməliyyatları “Amadeus” sistemi üzərindən həyata keçirilir ki, bu da hazırda aeroportun fasiləsiz fəaliyyətini təmin edir”, - deyə qurumun məlumatında qeyd olunub.
