Ötən gün dünyasını dəyişən 72 yaşlı Milli Məclis Aparatının sabiq rəhbəri Səfa Mirzəyevin vida mərasimi Heydər məscidində keçirilib. O, II Fəxri xiyabanda dəfn olunacaq.
11:31 - Milli Məclis Aparatının sabiq rəhbəri Səfa Mirzəyev vəfat edib
Azərbaycan Milli Məclisi Aparatının sabiq rəhbəri Səfa Mirzəyev vəfat edib. Bu haqda bu gün, 23 iyul tarixində Bakuplus.az Report-a istinadən məlumat verir.
Mərhumun yaxınlarından əldə olunan məlumata görə, Mirzəyev uzun sürən xəstəlikdən sonra bu gün dünyasını dəyişib.
Səfa Abbas oğlu Mirzəyev 1952-ci il mayın 12-də Bakıda anadan olub. Azərbaycan Dövlət Universitetinin (indiki Bakı Dövlət Universiteti) hüquq fakültəsini fərqlənmə diplomu ilə bitirib.
1995-ci ildə Azərbaycan Respublikasının yeni redaksiyada Konstitusiya layihəsinin hazırlanması üzrə komissiyanın üzvü olub.
