Milli Məclisin payız sessiyasının ilk plenar iclasının baş tutacağı vaxt bəlli olub.
Report xəbər verir ki, Milli Məclisin Daxili Nizamnaməsinə əsasən, payız sessiyası sentyabrın 30-da başlanır və dekabrın 30-dək davam edir.
Əgər sentyabrın 30-u istirahət, səsvermə, iş günü hesab edilməyən bayram gününə düşərsə, sessiya bu gündən sonra gələn birinci iş günü öz işinə başlayır.
Beləliklə, payız sessiyası çərçivəsində parlamentin ilk plenar iclası sentyabrın 30-da keçiriləcək.
VII çağırış Milli Məclisin ilk iclasına isə deputat Ziyad Səmədzadə sədrlik edəcək.
Qanuna əsasən, Milli Məclisin ilk iclasını ən qocaman deputat aparmalıdır.
Bu səbəbdən VII çağırış Milli Məclisin ən yaşlı deputatı - 23 saylı Nəsimi-Səbail seçki dairəsindən seçilən 84 yaşlı Ziyad Səmədzadə ilk plenar iclasa sədrlik edəcək.
