Milli Məclisdə yeni komitələrin yaradılması üçün müzakirələr aparılır.
Modern.az xəbər verir ki, Milli Məclisi zəruri hallarda yeni komitələr yarada, yaxud fəaliyyət göstərən komitələri yenidən təşkil edə və ya ləğv edə bilər.
Hazırda Milli Məclisdə 15 komitə fəaliyyət göstərir. Dünyada gedən proseslər fonunda müxtəlif ölkələrin parlamentləri qlobal məsələləri müzakirə etmək üçün belə komitələr yaradırlar.
Belə ki, son zamanlar süni intellektlə idarə ilə bağlı müəyyən müzakirələr aparılır. Təkliflər var ki, Milli məclisdə də bu sahədə qanunların qəbulu və müzakirəsi üçün yeni komitə yaradılsın. Bununla bağlı ciddi çağırışlar da mövcuddur.
Sonuncu dəfə Milli Məclisdə yeni komitələr beşinci çağırışda yaradılıb. Bunlar Səhiyyə komitəsi, Ailə, qadın və uşaq məsələləri komitəsi, İctimai birliklər və dini qurumlar komitəsi və Gənclər və idman komitəsidir.
