Dənizkənarı Bulvar İdarəsinə məxsus “Mirvari” gəmisi təmirə veriləcək. Bu haqda bu gün, 16 avqust tarixində Bakuplus.az İqtisadiyyat-a istinadən xəbər verir.
Təmir işlərini “Azərbaycan Xəzər Dəniz Gəmiçiliyi” QSC həyata keçirəcək və xərclər 136 min manat olacaq.
Qeyd edək ki, 2013-cü ildə istifadəyə verilmiş üçmərtəbəli “Mirvari” gəmisi eyni vaxtda 650 nəfəri daşıya bilir. Gəminin iki mərtəbəsi qapalı, bir mərtəbəsi açıqdır. Türkiyə istehsalı olan gəminin eni 11 metr, uzunluğu 49,5 metrdir.
Hazırda Xəzər dənizinin səviyyəsinin enməsi səbəbindən Bakı şəhərinin Dənizkənarı Milli Parkında gəzinti gəmiləri müvəqqəti olaraq işləmir. Suyun səviyyəsinin azalması səbəbindən gəmilər 2022-ci ilin oktyabrından fəaliyyətini dayandırıb.
