Əməkdar artist Gülüstan Əliyeva bayağı mahnı ifaçılarının Rusiyaya məclislərə tez-tez getməsini tənqid edib.
Axsam.az xəbər verir ki, "Öz aramızda" verilişinə qatılan müğənni onları məclisə ziyalı təbəqənin çağırmadığını bildirib:
"Deyirlər ki, filankəs toylara gedir. Moskvada kimlər var? Bazarda çalışanlar, qara işlə məşğul olanlar. Orada çox az sayda ziyalı var. Bu gün orada çoxu bazarda işləynlərdir. Orada sevilən mahnılar da bizim avtobus dayanacağında səsləndirilənlərdir. Onların istəyi həmin müğənnilərdir. Onlar nə muğama, nə vokala, nə də milli musiqiyə qulaq asandırlar. Kimisə aşağılamaq fikrində deyiləm. Hamımız şəhərə kənddən gəlib, məktəb görüb püxtələşmişik. Mən musiqi zövqündən danışıram".
