Mərkəzi Nəbatat Bağında ağacların bir hissəsi baxımsızlıq və düzgün qulluq olunmaması səbəbindən quruyub. Bu haqda 15 okyabr tarixində Trend xəbər verib.
Nəbatat Bağının direktoru Natiq Allahverdiyevin sözlərinə görə, bağın əvvəlki rəhbərliyinin dövründə ayrılmış dövlət vəsaiti düzgün xərclənməyib və 8 sota yaxın ərazidə iki ədəd qanunsuz ev tikilib. Allahverdiyev həmin tikililərin sökülməsi üçün müvafiq orqanlara müraciət etdiyini bildirib.
Bundan əlavə bağdakı inzibati binaların yenisi ilə əvəz olunması üçün layihələr hazırlanıb, AMEA-nın rəhbərliyinə təqdim ediləcək.
