Bakıda attraksionlar yoxlanılıb. Bu haqda 3 iyun tarixində Report məlumat verib.
Yaz-yay mövsümünün başlanması ilə əlaqədar Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinin müfəttişləri attraksionlara baxış keçiriblər.
Nərimanov metro stansiyasının yaxınlığında yerləşən parkda quraşdırılan mexanikləşdirilmiş attraksionların təhlükəsiz işləməsinin təmin olunması məqsədilə texniki vəziyyətin qiymətləndirilməsi aparılıb.
"Tərəfimizdən attraksionların hər birinə ayrılıqda baxış keçirilir və qeydiyyatı aparılır, sənədləri yoxlanılır. Hər hansı qəzalı vəziyyətdə olduqda, dərhal müdaxilə edilir və problem aradan qaldırıldıqdan sonra attraksion insanların istifadəsinə verilir", - agentliyin əməkdaşı Sahil Mənsimov qeyd edib.
Bildirib ki, il boyu attraksionlarda xəsarət alan olmayıb.
