Nərimanov rayonunda bu yolda yerləşən lüklərin uzun müddətdir üstü açıqdır. Məsələ ilə bağlı məlumatı bu gün, 3 iyul tarixində Bakuplus.az Xəzər Xəbərə istinadən verir.
Söhbət rayonun Koroğlu Rəhimov və Təbriz küçələrinin kəsişməsindən gedir. Burada hər 50 m-dən bir quraşdırılmış kanalizasiya lüklərinin üzərinə qoyulmuş dəmir barmaqlıqlar uzun müddətdir yoxdur. Bu da həm avtomobillərin, həm də piyadaların təhlükə altında olması deməkdir.
“Təkər düşür, maşına ziyan dəyir. Adam görmür, ayağı qırıla bilər. Çox təhlükəlidir”, - deyə sakinlər bildiriblər.
Rəsmi qurumlar ərazinin araşdırıldığını və yaxın zamanda lük çərçivələrinin yenidən quraşdırılacağını qeyd edib.
[caption id="attachment_105156" align="alignnone" width="640"]
Foto Xezerxeber[/caption]
