Bakıda Nəsimi rayonunun Səməd Vurğun küçəsində atışmada iştirak edən şəxslərin cinayət işi üzrə məhkəməsi başlayır. Bu haqda bu gün, 21 avqust tarixində Bakuplus.az Report-a istinadən məlumat verir.
Martın 10-u baş vermiş silahlı insidentlə bağlı Baş Prokurorluğun İstintaq idarəsində aparılan cinayət işi üzrə ibtidai istintaq yekunlaşıb.
Məlum olub ki, Şahmar İsmayılov, Vüqar Quliyev, Ramal Məmmədov və daha bir neçə şəxs sifariş əsasında Nicat Əkbərovu öldürmək istəyiblər. Nəticədə onlar təsadüfən yaxınlıqdan keçən Tamerlan Hüseynov və Fəqan Rəhimlini yaralamaqda şübhəli bilinirlər.
Toplanmış sübutlar əsasında Ş.İsmayılov, V.Quliyev və R.Məmmədov barəsində qəsdən adam öldürməyə çalışdıqlarına və qanunsuz silah daşıdıqlarına görə açılan cinayət işi Bakı Ağır Cinayətlər Məhkəməsinə yönləndirilib.
