Noyabrın 4-də ölkədə iş günü olduğuna görə bu şənbə Bakı metropoliteninin iş rejimi adi iş günlərinə uyğun təşkil ediləcək. Bu haqda bu gün, 3 noyabr tarixində Bakuplus.az məlumat verir.
Metropolitendə iş günlərində hərəkətin pik vaxtı səhər saat 07:00-dan 10:00-a, axşam 17:30-dan 19:30-a qədər müəyyən edildiyindən hərəkət cədvəli bu parametrlərə uyğun təmin ediləcək. Həmin müddətdə “Həzi Aslanov” - “28 May” istiqamətində və əksinə olmaqla qatarlar arasında minimum interval 2 dəqiqə təşkil edəcək.
Günün qalan saatlarında sərnişin axını istqamətləri nəzərdə saxlanılaraq, ehtiyat qatarların operativ qaydada xəttə verilməsinə diqqət yetiriləcək.
