“Azərbaycan Dəmir Yolları” QSC (ADY) ölkə daxilində sərnişinlərin qatarlara mindirilməsi prosesinin xeyli sadələşdirildiyini açıqlayıb. Artıq sərnişinlər elektron şəxsiyyət vəsiqəsini təqdim edə biləcəklər. Bu barədə bu gün, 26 iyul tarixində Bakuplus.az şirkətin mətbuat xidmətinə istinadən məlumat verir.
Azərbaycan Prezidentinin 16 iyul 2024-cü il tarixli Fərmanına əsasən, My.gov.az portalında qeydiyyatdan keçməklə alınan elektron şəxsiyyət vəsiqəsi fiziki şəxsiyyət vəsiqəsinin əslinə bərabərdir. Bu yenilik sərnişinlərin qatarlara minməsi prosesini xeyli asanlaşdırır və sürətləndirir.
Artıq hər bir vətəndaş My.gov.az portalında qeydiyyatdan keçərək, şəxsi identifikasiya məlumatları olan QR kodu əldə edərək validator (informasiyanın yoxlanılması cihazı) tərəfindən oxunmaq üçün təqdim edə bilər.
