“Nikosayağı”nın həlak olan dostunun ailəsi ondan şikayətçi deyil. Bu haqda bu gün, 19 avqust tarixində Bakuplus.az Oxu.az-a istinadən xəbər verir.
Nicat Mütəllimovun yaxın dostu sayılan bloger Ramal İsayev bildirib ki, Nicat Ruslanın ölümü barədə 2 gün əvvəl xəbər tutub:
“Ruslan həmin gün maşını restoranların birinin qarşısında saxlayıb. Nicatın maşını ilə gediblər. Nicat deyir ki, bəlkə, onun avtomobili ilə getsə idik, belə olmazdı”.
O deyib ki, Nicat hələ də reanimasiyadadır. psixoloji sarsıntı yaşayır: “O gün qardaşına deyir: “Nihat bax, qolum yoxdur”. Nə dostunun ölümünə, nə də qolunu itirməsinə qəbullana bilmir”.
“Ruslan və Nicatın ailəsi arasında gərginlik yaşanmayıb. Dəfn olunan gün Nicatın ailəsi, qardaşı və qohumları orada idilər. Ailələr arasında dava düşməyib. Ruslanın ailəsi də şikayətçi deyil. Ümid edək ki, Nicata cəza düşməyəcək, azyaşlı övladı var,” – deyə o, əlavə edib.
