Paytaxtın Nizami rayonu, Şirin Mirzəyev küçəsində təmir işləri yekunlaşıb. Bu haqda bu gün, 14 noyabr tarixində Bakuplus.az Avtomobil Yolları Dövlət Agentliyinə istinadən xəbər verir.
Uzunluğu 500, ortalama eni isə 12 m-lik küçənin Qara Qarayev prospektindən Mehdi Abbasov küçəsinədək olan hissəsində köhnə asfalt örtüyü qaşınaraq yenisi ilə əvəzlənib.
Ərazida piyada səkiləri bərpa olunub, ümumilikdə 10.313 kv.m ərazi asfaltlanıb. Həmçinin yeraltı kommunikasiya xətləri bərpa olunub, müvafiq yol cizgiləri və nişanlanmalar quraşdırılıb, parkinq sahələri yaradılıb.
Cari il ərzində rayon ərazisində ümumi uzunluğu 6,25 km olan 10 küçə əsaslı təmir edilib.
